Емилија Целакоска: Во социјалистичка Македонија, во комунизмот, внимавајте, ги купувавме учебниците, и тоа, неколку дена, недела – две порано, на старо, но зачувано, или на ново од книжарите. Логично, имаше социјални мерки за тие што ептен немаа да си купат.
Ги вртевме страничките гледавме што ќе учиме, ја запознававме книгата од секој предмет релаксирано, пред да почне учебната година. Додека да почне школото, веќе бевме скоро вљубени во книгичките.
Овој вмровски начин на владино печатење книги ми е толку заостанат, а толку години остана и го назадува целиот педагошки процес, го назадува учебникарството, го уназадува општеството, настрана досадното тендерисување печатници кои се самонарекле издавачи.
Сѐ е конструирано така, да е толку подложно на сѐ помрачната тенденција за бенефит за малкумина и штета за многумина, а најмногу за најмладите фиданчиња на ова општество.
И не е точно дека денес сите добија учебници. До кога ли ви трае „почетокот на новата учебна година”.
Извор: Фејсбук