Израелската армија денеска, по истекот на рокот за почеток на примирјето во Газа, напаѓа во северниот и јужниот дел на палестинската енклава, потврдија нејзините жители за Ројтерс, а израелските сили велат дека нападнале „терористички цели“ во северниот и централниот дел на Газа со тенкови.
Тројца Палестинци се убиени во израелски напад врз источниот дел на Газа во неделата наутро, според медицински извори.
Израелската армија утринава соопшти дека прекинот на огнот не стапил во сила во 7:30 часот бидејќи Хамас не доставил список на израелски заложници кои требало да бидат ослободени според договорот за прекин на огнот.
Хамас објави дека имал „технички проблеми“ во врска со списокот на киднапираните Израелци.
Прекинот на огнот за кој Катар преговараше со помош на САД и Египет требаше да стапи во сила во 7:30 часот.