Иран и големите сили потпишаа историски договор во ноќта помеѓу саботата и недела за да го сопрат иранскиот нуклеарен програм.
По петдневен преговарачки маратон во Женева и тотална изолација од медиумите за климата и развојот на преговорите, шефицата на европската дипломатија Кетрин Ештон најави «договор за акциски план» за контроверзниот нуклеарен прогам на Иран. Со неа изјави дадоа и шефот на иранската дипломатија Мохамед Џавад Зариф и шест нивни колеги од групата 5 плус 1 – САД, Кина, Русија, Велика Британија, Франција и Германија.
Истовремено во Вашингтон, во изјава од Белата куќа, американскиот претседател Барак Обама рече дека договорот «го спречува најјасниот пат» за исламската република кон автомската бомба. Тој додаде дека секогаш ќе стори се, па дури и сила, за да го спречи Иран да направи атомска бомба.
Западните сили и Израел се сомневаат деа Техеран крие воен план за цивилниот додека Техеран негира дека тоа е вистина.
Иранскиот претседател Хасан Рохани кој е познат како умерен и ја започна политиката на отворање кон Запад откако беше именуван во јуни, го поздрави отворањето на нови хоризонти.
Министерот за надворешни работи на Иран го поздрави овој “важен резултат кој е само прв чекор”. Тој рече дека е креирана заедничка комисија за да го надгледува договорот. Но тој смета дека неговата земја има неотуѓиво право за забогатување на ураниумот. Според него договорот предвидува јасна референца за ова збогатување.