Во Македонија стана вообичаено луѓето да се соочуваат со правни проблеми но, фрапантен е податокот што дури половината од луѓето кои биле анкетирани, односно 49 проценти од нив имале некаков правен проблем во изминатите три години.
Истражувањето на Реактор и Фондацијата отворено општество покажало дека најчести проблеми кои ги наведуваат една четвртина од испитаниците се проблемите со домувањето, потоа се проблемите поврзани со вработувањето, потрошувачките проблеми, како и тие во образованието, особено во делот на коруптивните практики на професорите кои принудно им ги продаваат своите книги на студентите, и проблеми поврзани со парите и долгови.
Но, она што загрижува е неактивноста на луѓето, за да сторат нешто и да го побараат патот до правдата низ институциите на системот. Студијата покажува дека 62, 09 проценти од испитаниците не веруваат дека некој ќе им помогне, 37,1 процент велат дека тоа ќе им одземе многу време, 22, 9 проценти не знаеле каде да се обратат, а 17, 1 процент немале пари за го одат долгиот пат до правдата.
Граѓанските активисти, луѓето кои се обидуваат да покренат некаква критична маса во општеството, кои често се обвинувани дека зад нив стои некоја политичка партија на се обидоа да ги објаснат овие феномени од праксата. Оние кои треба да променат нешто во донесувањето на одлуките, луѓето институциите не беа присутни да ги слушнат нивните мислења. Во видеото погледнете дел од нивните размислувања и примери од праксата.