Како донатори за изборната кампања на локалните избори, за градоначалник на Град Скопје и градоначалници на другите општини се појавуваат имиња што се идентични со имињата на актуелни и поранешни функционери на ВМРО-ДПМНЕ, затоа што освен името на донаторот не се регистрирани и други детали:
Листата на дел од донаторите е следнава, како што објавува Фактор:
На 16 ти мај:
Антонио Милошевски донирал 31. 000 денари (поранешен министер за надворешни)
Роберт Орданоски донирал 45. 000 денари (директор на Агенцијата за електронски комуникации)
На 17 мај се следниве донатори:
Спиро Ристовски на 17 ти мај донирал 30. 000 денари (министер за образовени)
Миле Јанакиевски на 17 мај донирал 33. 000 денари (министер за транспорт)
Благородна Дулиќ на 17 мај донирала 35. 000 денари (пратеник)
Коце Трајановски на 17 мај донира 35. 000 денари (градоначалник на Скопје)
Илија Димовски на 17 мај донирал 30. 660 денари ( пратеник)
Биљана Беличанец Алексиќ донирала 30. 000 денари (градоначалник на Кисела Вода)
Маре Богоева Мицовска донирала 25. 000 денари ( директорка на Биро за јавни набавки)
Крсто Мукоски донирал 27 000 денари (пратеник)
Марија Хаџи-Лега донирала 27. 500 денари (директорка на Клиника за гинекологија и акушерство)
Оливер Деркоски . донирал 30 000 денари (пратеник, поранешен директор на МЖ Транспорт)
На 20 ти мај:
Ванчо Каргов донирал 30. 000 денари (директор на Царина)
Податоците за СДСМ ги покажуваат следниве донации:
Во март 2013 следниве донатори се присутни:
Менде Диневски: две донации по 60. 000 денари, и уште една донација во април во вредност од 70 000 денари
Златко Ќурчиевски донирал 30. 000 денари (кандидат за советник во Битола)
Јулијана Силјановска донирала 15. 000 денари (кандидат за советник )
Валентин Груевски донирал 30. 000 денари (кандидат за советник )
Од поединечни донации опозициската коалиција предводена од СДСМ собрала .9 200 евра. На списокот на донатори нема ниту едно име на некој од медиумите во земјава.
Што се однесува до владејачката ВМРО-ДПМНЕ имала исклучително огромен број донатори- 1.686 за изборната кампања за локалните избори.
Овие податоци дадени во извештај на Државниот завод за ревизија, покажуваат дека најголем дел од донаторите се физички лица, кои на партијата и дале од најмалку 1.000 до најмногу 300.000 денари.
Меѓу донаторите воопшто не се регистрирани фирми, но затоа како донатори се појавуваат триесетина медиуми, кои давале услуги за владејачката партија: прва на листата е групацијата МПМ, во чија сопственост се дневните весници Дневник, Вест и Утрински весник, во висина од 250.000 евра.
Од телевизиите најмногу донирал Сител 160.000 евра, потоа следуваат Канал 5 со 145.000 евра и Алфа 76.000 евра.
Сумирано, ВМРО-ДПМНЕ за изборната кампања собрал 1.546.112 евра.
Според извештајот, најголем дел од парите биле потрошени за реклами и пропаганда, 1.572.000 евра, а останатите 130.000 евра за изнајмување на простории, превоз и копирање.
Опозициската СДСМ добила донации од само 22 граѓани, со што добила 9.000 евра, а кампањата била платена со кредит од Комерцијална банка од 444.000 евра.
Од осваа сума половина била потрошени за реклама и пропаганда, а останатите за материјални трошоци- превоз и изнајмување на простор и опрема.
Пред 3 месеци, НОВА истражуваше кој се донирал за владејачката партија, а податоците беа објавени во текстот Донирале за ВМРО уште пред да почне кампањата
Учителки, студенти, претседатели на месни заедници, административци, директори на локални подружници на државните институции, автомеханичари, но и невработени членови на младината на партијата се дел од луѓето кои дале донации од по илјада евра како физички лица во кампањата на коалацијата предводена од ВМРО ДПМНЕ. Имињата на донаторите се објавени во привремениот извештај за финансирање на кампањата кој партиите имаат обврска да го достават до Државната изборна комисија.
Нова ги истражуваше имињата на списоците со донатори со цел да дознаеме повеќе за мотивите за донирање на овие луѓе, нивните примања и начинот на кој ги уплатиле парите. Исто како и на претходните парламентарни избори, сите донатори парите ги уплаќале во исти денови, односно половината донирале на 5 Март, а другата половина на 8 Март.
Некои од луѓето со кои Нова се обиде да разговара, а кои можете да ги слушнете во видеото погоре, потврдија дека донирале за партијата, додека некои избегнаа да разговараат на темата.
Некои не можеа да се сетат кога точно донирале, а еден од нив тврди дека во банка донирал илјада евра пред месец и половина до два месеца, а во тој период изборната кампања не беше ниту започната, ниту пак банкарските сметки беа отворени. Според извештајот на ДПМНЕ тој донирал на 8 месецов.