Централното претседателство на ДПА доцна попладнето одржа седница во партиското седиште во Тетово на која според најавите требаше да се расправа за понудената оставка на претседателот Мендух Тачи по локалните избори.
Оставката, како што изјави Тачи, не била ставена на дневен ред бидејќи Централното претседателството одбило да расправа за неа.
– Централното претседателство одби да ја стави на дневен ред мојата оставка. Им образложив дека ја понудив оставката за да се заштитат луѓето внатре во партијата и целата одговорност да ја преземем јас, изјави Тачи.
Расправата на Централното претседателство на ДПА продолжи со анализа на изборите и нивниот изборен резултат.