Во Кочани биле приведени шест лица на информативен разговор. Пет од нив по извршениот разговор се пуштени на слобода а едно лице е задржано во притвор
Во Кочани се концетрирани големи полициски сили а атомосферата е тензична, јавуваат известувачи на невладините организации од теренот.
До ваквиот развој на настаните дојде по објавувањето на информациите дека ноќва во овој град од страна на полицијата биле приведени 10 лица , симпатизери на една политичка партија. Полицијата овие лица ги привела на информативен разговор под сомневање дека вршеле притисоци врз граѓани на Кочани а во контекст на изборниот процес. По извршениот информативен разговор овие лица се пуштени на слобода со исклучок на едно лице кое е задржано во притвор.
Навладината организација “МОСТ” укажа и на направилности на некои избирачки места во Кочани.
На гласачкото место 0848 во општина Кочани недостасувале листови од извадокот од избирачкиот список во кои се впишани 90 гласачи. За тоа е известена ОИК и гласањето е се уште во прекин. Прекин во гласањето во општина Кочани има и на гласачките места 0837, 0850 и 0852, поради тоа што на секое од тие гласачки места недостигал по еден лист од избирачкиот список, изјави Дарко Алесков, претседател на “МОСТ”
Алексов укажа дека во текот на денот ќе биде отворена бесплатната телефонска линија 080 080 080 на која ќе можат граѓаните да пријават евентуални нерегуларности или да дадат информации поврзани со изборниот процес.