Процесот на сукцесија и по три децении од распадот на поранешна СФРЈ се уште не е целосно завршен а еден од тие несукцесирани сегменти се и архивските материјали. По тој повод деновиве во Државните архиви на Република Хрватскиот и на Република Словенија во работна посета, престојуваше директорот на Македонскиот Државен Архив , Емил Крстески.
Во разговорите со првите луѓе на Хрватскиот и на Словенечкиот архив Динко Чутура и Бојан Цвелфар, најголем простор, директорот на Државниот архив на Република Северна Македонија Емил Крстески, отстапил точно за
за процесот на сукцесија на архивскиот материјал од поранешна СФР Југославија, што бил еден од приоритетите на државните архиви, а станало збор и за искуствата на Хрватска и на Словенија за спроведувањето на дигитализацијата на историските документи и материјали.
,,Државниот архив, како институција е надлежна за собирање и евидентирање на архивскиот материјал за нашата историја и во таа смисла соработува и со другите државни архиви на земјите – сукцесори на поранешна СФРЈ, заради понатамошна имплементација на Анексот Д од Спогодбата за сукцесија, потпишана во 2001 година во Виена, која што ги регулира прашањата за сукцесија на архивскиот материјал. Во разговорите со колегите од Хрватска и од Словенија констатиравме дека процесот на сукцесија на архивскиот материјал треба да забрза и за таа цел договоривме соодветни услови за одржување редовни состаноци на претставници од државните архиви на земјите -сукцесори, како и заедничка средба на ниво на директори на есен во „Архивот на Југославија во Белград” – изјави по средбите директорот на македонскиот државен архив д-р Емил Крстески.
