ДУИ предложи амбасадори
ДУИ ги утврди имињата за нови амбасадори, а постапката за нивно именување се наоѓа во Влада. Неофицијално ова се новите амбасадори предложени од ДУИ. Во Катар амбасадор ќе биде Шана Јашари кој ќе го замени Фуад Хасановиќ кој ќе замине за Сараево, јави АЛАСТ М ТВ.
Хасановиќ ќе го замени актуелниот амбасадор Рами Реџепи. Иако се очекуваше на местото на Азиз Положани во Женева да отпатува Хајрула Мисини, тоа нема да се случи бидејќи ДУИ се одлучи за Газменд Иљази.
Екрем Ебиби ќе биде амбасадор во Берн на местото на Рамадан Назифи. Иако не ги спомна имињата на новите амбасадори, портпаролот на Владата Мухамет Хоџа рече дека по предлог на шефот на дипломатијата, во Влада почнала постапката за именување.
„По предлог на министерот за надворешни работи почна постапката за именување на шефови на дипломатските претставништва во неколку странски земји. Се работи за нови амбасадори и амбасадори чиј мандат поминал. Моментално не можам да дадам повеќе детали за предложените кадри, бидејќи во именување на еден амбасадор, учество имаат и други институции како што е институцијата претседател на државата“, рече Мухамет Хоџа – портпарол на владата, јави АЛСАТ М ТВ