Велосипедистката на ВК „Енерџи“ од Скопје Дуња Иванова, по бројните меѓународни успеси, подиуми и пласмани на Маратоните, со предзнакот на УЦИ во Европа, се искачи на 56- то место на Светската МТБ Маратон ранг листа.
Со оваа позиција постигната во конкуренција на преку петстотини натпреварувачки од целиот свет, Дуња Иванова остварува норма за настап на Светското првенство во Маратон кое ќе се одржи од 30-ти август до 14 –ти септември на Алпите во Валис, Швајцарија.
Оваа сабота Иванова се стекна и со титулата Државен првак во МТБ Маратон по првенството кое во екстремни временски услови се одржа на планинските патеки во Крушево.
Нејзината следна станица е Европското првенство во МТБ Маратон на 8ми јуни во Касела, Италија каде што ќе ја претставува Македонија во најсилните европска конкуренција.