Хашкиот суд за воени злосторства во екс Југославија ги потврди денес двете пресуди за Вујадин Поповиќ и Љубиша Беара, двајца полковници босански Срби, како виновни за нивната улога во масакрот во Сребреница.
Двајцата имале клучни функции во армијата на босанските Срби која ја водеше Ратко Младиќ.
Во Сребреница беа убиени 8.000 мажи и момчиња во јули 1995 година на неколку месеци пред крајот на војната во Босна која траеше до 1192 до 1995 година.
Покрај двете воени лица осудени на доживотен затвор, тројца други војници беа осудени од 13 до 35 години.
Поповиќ и Беара се осудени поради тоа што Судот нашол дека се виновни за “конспирација со цел да се изврши геноцид” како и за злосторства против човештвото и воени злосторства. Помеѓу злосторствата за кои се осудени фигурираат екстерминација, убиство, прогонување и насилен трансфер на население. Според судиите тие биле дел од “заедничка криминална група” чија што цел била од некои региони во Босна да станат етнички чисти.
Поповиќ кој има 57 години со гест на главата изразила несогласување со пресудата додека Беара, 75 години, останал мирен. Судиите ги отфрлиле аргументите со кои осудените се жалеле на првата пресуда и кои се однесуваат пред се на кредибилноста на некои од сведоците. Обвинетите не се согласиле со бројот на жртвите велејќи дека тие луѓе активно учествувале во непријателствата и борбите и со тоа, според нив, биле легитимна цел.
Поповиќ и Беара беа осудени во 2010 година во текот на процес во кој сведочеле 315 сведоци.
Судот обвини 20 лица за масакрот во Сребреница помеѓу кои и Ратко Младиќ и политичкиот шеф на Србите од Босна Радован Караџиќ. Нивните судења за геноцид, кои се однесуваат и на други делови од војната, се се уште во тек во Хаг.
Судот беше креиран во 1993 година за да се донесе правда за војните во екс Југославија.