Двајца од тетовчаните кои се затруја со отровни печурки сеуште се во тешка здравствена состојба и се наоѓаат на одделот за интензивна нега на Клиниката за токсикологија. Кај останатите шестмина има подобрување на здравствената состојба потврдија за НОВА на Клиниката.
-Иако има подобрување во лабораториските наоди, двајца од нив сеуште се во тешка состојба бидејќи нивната клиничка слика не е добра.Тие сеуште се под агресивна анти-дот терапија, односно примаат против отров, изјави за НОВА директорот Андон Чибишев.
Станува збор за тешко труење на осумчлено семејство, за кое се претпоставува дека јаделе од една од најопасните печурки на овие простори, аманита која сами ја береле. Сите се млади луѓе, четворица од нив членови на потесно семејство од Тетово и нивни роднини. Една од затруените била донесена заедно со нејзиното петмесечно бебе, кое потоа е однесено на Клиниката за детски болести каде се наоѓа на опсервација и кај него според лекарите нема компликации.
Ова е едно од најмасовните труења со печурки, но поради сезоната на печурки не е исклучена можноста и за други труења велат лекарите Поради ова тие препорачуваат особена внимателност кога се берат и консумираат печурките кои се берат на отворено.