Парламентарното мнозинство очекува утре да почне нова седница во полн состав бидејќи според најавите двајцата пратеници кои пред некој ден во скафандери зедоа учество на 32. седница на Собранието, им завршува изолацијата.
Доколку утре во Собранието има 61 од вкупно 62 пратеници од мнозинството, според најавите, не е исклучено спикерот Талат Џагфери да закаже во меѓувреме продолжение и на некои од старите седници, за да може да се донесат закони за кои е завршена расправата.
Меѓувреме, опозицијата поднесе кривични пријави за непостапување според здравствените прописи против Џафери и пратениците Бисера Костадиновска Стојчевска од СДСМ и Мирослав Богдановски од ДОМ, велејќи дека со тоа го загрозиле здравјето на останатите пратеници во Собранието.
Според СДСМ, кривичните пријави што ги поднесоа Левица и ВМРО-ДПМНЕ се израз на „голема фрустрација“, откако им пропаднале обидите да го држат Собранието закочено и “во заложништво на својата деструктивност“.
Според најавите, на дневен ред на утрешната седница, меѓу другото е и предлог-одлуката за продолжување на кризната состојба на јужната и на северната граница, која денеска помина едногласно во Комисијата за одбрана и безбедност.
Пратениците се согласуваат кризната состојба поради мигрантите да трае до крајот на годината
На дневениот ред на новата седница е и интерпелцијата за министерот за внатрешни работи Оливер Спасовски, што ја поднесоа Алијанса за Албанците и Алтернатива, а од ВМРО-ДПМНЕ најавуваат дека ќе инсистираат агендата да се дополни и со интерпелациите што тие ги поднесоа за министерот за правда Бојан Маричиќ и за вицепремиерот Љупчо Николовски.