Ни една од страните не гаѓаше на копно или на воените инсталации, изјави наименувано официјално лице од јужнокорејска страна.
Како што соопшти Сеул денеска за време на воената вежба на Северна Кореја падналe гранати во водите на Јужна Кореја.
Поради тоа Јужна Кореја возвратила со оган кон водите на Северна Кореја, а жителите на островот Јеопјеонг близу поморската граница се евакуирани, пренесува АП.
Тоа е подрачјето во близина на таканаречената Северна гранична црта, повлечена на крајот на Корејската војна 1950-1953, која Северот одбива да ја признае.
За време на поранешните судири на двете морнарици на тоа подрачје загинаа десетина новинари на двете страни. Во 2010 година во севернокорејскиот артилериски напад убиени беа четворица Јужнокорејци на Јеонпјеонг.
Пред инцидентот официјален Пјонгјанг објави, што инаку не е вообочаено однапред да ги открива таквите планови, дека ќе изведе воена вежба во користење на вистинска муниција, тоа Сеул го протолкува како „непријателска намера за да зголеми тензијата на Корејскиот полуостров.
Северна Кореја во неделата се закани дека ќе ја изведе четвртата нуклеарна проба, а Сеул соопшти дека засега, нема знаци дека тоа ќе се случи наскоро.
Севернокорејското предупредување доаѓа сред зголемената напнатост со која се соочува Северот, откако Советот за безбедност на ОН го осуди Пјонгјанг заради истрелување на ракети од среден дострел минатата седмица, во моментот додека челниците на Јужна Кореја, Јапонија и САД се состанаа за да разговараат за програмата за вооружување на Северот.
Најавата за воена вежба е последна во долгата низа инциденти поради морската граница, која ривалите огорчено ја оспоруваат во една од најнаоружаните подрачја на светот со речиси 1,8 милиони војници.
Јужнокорејскиот воен брод кој беше потонат во 2010 година откако беше погоден од севернокорејско торпедо, како што тврди Сеул, а Северот негира, при што загинаа 46 морнари.