Американскиот актер,оскаровецот Метју Меконахју доби своја ѕвезда на холивудскиот „Булевар на славните“. На манифестацијата за неговата награда тој се појави со сопругата Камила Алвес и нивните три деца.
– Ова е посебен ден, голем момент во мојата кариера и за моето семејство, изјави Меконахју пред стотиците фанови во Холивуд.
Меѓу присутните на овој свечен чин за Меконахи беа и неговите колешки Џесика Честејн и Ен Хатавеј кои дојдоа да му дадат поддршка и да му честитаат.
Меконахју годинава освои Оскар и Златен Глобус во категоријата најдобра машка улога за Рон, каубоецот болен од сида во филмот „Dallas buyers club“.