Во автобуската несреќа кај Будимпешта, еден од патниците е во животна опасност, петмина се сериозно повредени, а 15 се со полесни повреди.
Девет од патниците се отпуштени од болница и се враќаат во Скопје, а двајца продолжиле во Прага, изјавува МНР.
Патникот што се бори за живот имал повреди во стомакот, јавуваат унгарските медиуми, повикувајќи се на изјава на еден од докторите во болницата во која се лечат патниците.
Македонскиот амбасадор Дарко Ангелов ги посетил патниците во болницата.
Портпаролот на МНР, Васко Андоновски, изјави несреќата се случила во пет минути по еден часот и од неутврдени причини, автобусот излетал од патот и паднал во ендек.
Против возачот, по увидот на унгарската полиција е отворена кривична постапка поради несовесно предизвикување несреќа со поголем број повредни, информира МНР:
Во автобусот на туристичката агенција „Тото“ меѓу 28-те патници имало 21 македонски граѓанин, четворица биле од Чешка и тројца од Бугарија.