Едно лице е пронајдено мртво во големиот пожар кој утрвово избувна во скопската населба Колонија, во скопското село Идризово. Како што информираат од полицијата станува збор за 66 годишниот Богое С.
Се уште не се познати причините за пожарот кој утрово нешто пред 8 часот се разгоре во зградите во населбата Колонија.
Командантот на скопската противпожарна бригада, Благоја Менковски за МИА изјави дека пожарникарите го локализирале пожарот и дека работат на расчистување.
Тој соопшти дека во пожарот животот го загубило едно лице, кое се сокрило во кадата во станот кој бил зафатен од пожарот и загинало како последица на задушување.
Во интервенцијата за гаснење на пожарот учествувале 18 пожарникари со седум противпожарни возила.
Според првичните информации пожарот избувал во 7 часот и 45 минути од засега непознати причини. Огнената стихија зафатила површина од 100 метри квадратни од станбената зграда.