Една година затвор му пресуди судот за познатиот офтамолог Дејан Ставриќ, кој е прогласен за виновен за сторено кривично дело примање на награда за противзаконито влијание. Неговиот бранител побара очниот хирург до издржување на казната да биде пуштен дома.
На првото судско рочиште кое започна 20 дена по апсењето, Ставриќ истакна дека според него ова е монтиран процес. Како што рече лично сочувствува со оштетениот Кузмановски кој очигледно е злоупотребен, иако е болен.
Одбраната на Ставриќ се изјасни дека исказот на оштетениот Кузмановски е конфузен, нереален, бидејќи тој тврди дека парите биле наменети за инвалидска пензија за која што воопшто не станува збор, бидејќи тој истата веќе ја имал добиено уште пред да се случи апсењето на Ставриќ.
Она што како крунски доказ го има одбраната на докторот е дека решението за инвалидска пензија е испратено по пошта на 6 мај 2014, во 24 часот, односно истиот ден кога беше уапсен Ставриќ.
Според одбраната тоа е најверојатно наградата за фингираниот случај против Ставриќ.
Ставриќ ниту контактирал со членовите на комисијата за инвалидска пензија, туку, како што истакна парите што биле договарани биле за минимална уплата за операција која требало да ја изведе светски познатиот хирург Мирослав Вукосављевиќ
кој што требало да дојде и да го оперира Кузмановски во „Корнеа медика“ на 10 мај, каде Ставриќ работи.
Кога Kузмановски му ги дал парите под маса Ставриќ мислел дека се работи за документите кои треба да бидат употребени за конзилијарно мислење.