Еколошка активистка го прекина вториот полуфинален меч во машка конкуренција на Ролан Гарос меѓу Хрватот Марин Чилиќ и Норвежанецот Каспер Руд.
Жена од трибините влезе на теренот за време на третиот сет и се врза за столбот за кој е прикачена мрежата. Таа носеше маичка со натпис „Нѝ останаа уште 1.028 дена“, порака на еколошките движења кои предупредуваат на глобалното затоплување.
Ben maçı kapadım protestolar filan olmuş.. Bir turnuva daha neler görsündü gerçekten. #RolandGarros pic.twitter.com/CgoYSf7Jer
— Asli Tosya (@Tosyaaa) June 3, 2022
Набрзо откако се врза за мрежата, реагираше обезбедувањето, а Чилиќ и Руд беа повлечени од теренот поради нивната лична безбедност.
Покрај теренот пристигна и Амели Морезмо, директорка на турнирот, која помогна за брзо враќање на ситуацијата во нормала.
Паузата траеше 15-тина минути, по што продолжи полуфиналето меѓу Чилиќ и Руд.
Прв финалист на машкиот дел од турнирот е Шпанецот Рафаел Надал, откако Александар Зверев се здоби со повреда во вториот сет што го принуди да го предаде мечот.