Опасниот вирус кој предизвикува „детската арализа “не само што може да се прошири во регионот околу Сирија, туку може да се прошири и во Европа предупредуваат експерти во научното списание The Lancet. Авторите посочуваат дека во регионите на Европа, каде што покриеноста со вакцинацијата е на ниско ниво, колективниот имунитет може да не биде доволен за да се спречи преносот доколку се појави вирусот.
Илјадници луѓе бегаат од Сирија во Европа за да побараат засолниште во некоја од земјите во Европа и тие може да бидат преносители на опасната болест. Експертите оценуваат дека не е доволна вакцинацијата само на бегалците од Сирија, како што беше препорачано од Европскиот центар за превенција и контрола, туку треба да се превземаат посеопфатни мерки за превенција.
Како земји каде што може да се развие инфекцијата се посочуваат земјите со ниска покриеност со вакцинација против „детска парализа“како што е Босна и Херцеговина каде што 87 проценти од децата не се вакцинирани,Украина со 74 проценти невакцинирани со полио.
Експерите укажуваат дека вакцинација обезбедува висок процент на заштита од болеста, но овој тип имунизација бил прекинат во Европа поради ретките случаи на акутна флакцидна парализа. Само некои од земјите членки на Еу, сеуште дозволуваат употреба на овие вакцини и ниту една земја нема залихи од вакцините предупредуваат експертите.
Martin Eichner од универзитетот во Tuebingen и Stefan Brockmann од региналното биро за јавно здравство во Reutlingen пишуваат дека најголемиот дел од европските земји употребуваат неактивна вакцина IPV, а не орална OPV, односно жива вакцина. Иако IPV ја спречува „детската парализа“, само делумно штити од инфекција и затоа е помалку сигурна, доколку вирусот активно циркулира меѓу луѓето велат тие.
Стручњаците препорачуваат и рутински скрининг на отпадните води особено во камповите на сиријски бегалци за да се види дали таму е присутен вирусот.
Инаку, „детската поарализа“ се пренесува со контаминирана вода или храна, а во Сирија пред еден месец е потврдена епидемија кај 22 деца, каде што болеста не била присутна 14 години. СЗО смета дека болеста најверојатно се проширила од Пакистан и предупреди дека сириската епидемија е закана за милиони деца на Блискиот исток.
Вирусот се пренесува од човек на човек и брзо се шири меѓу децата, посебно во нехигиенски услови, во бегалските логори. Болеста го напаѓа нервниот систем и за кратко време предизвикува парализа.
Benjamin Neuman, вирусолог од британскиот Универзитет во Reading се согасува дека новата епидемија преставува опасност за соседните земји и пошироко.
-Секое новородено дете е во опасност од „детска парализа“ додека не се вакцинира. Додека вирусот не биде сосема искоренет мора да се продолжи со вакцинација вели Neuman.
Инаку, вчера Граѓанските организации ЕСЕ, ЦДРИМ, ЛИЛ и КХАМ, предупредија дека покриеноста со вакцина против „детска парализа“ кај децата Роми во Македонија е на многу ниско ниво и тој процент постојано опаѓа.
Против„детска парализа“ не се вакцинирани 53 проценти од децата Роми во Злокуќани, 45 проценти во населбата Ѓорче Петров и 27 проценти во Шуто Оризари.
Тие посочија дека, иако Владата одвоила 2 868 600 денари, оносно 14 проценти од вкупниот буџет за Програмата за мајки и деца за оваа намена, по девет месеци овие средства се намалени за 50 проценти.
Со тоа се редуцирани бројот на посети во ромските семејства и патронажните служби, со што се намалува можноста да се пронајдат децата кои не се вакцинирани, како и едукацијата на семејствата. Во вакви средини многу лесно може да се случи да букне некоја од овие заразни болести предупуваат невладините организации.
Тие бараат Владата серизоно да се заложи и да одвои средства за оваа намена, а не само средствата да се одобруваат декларативно односно само на хартија. Од Институтот за јавно здравје пак, уште пред неколку дена за НОВА потврдија дека нема опасност за Македонија бидејќи севкупната покриеност со вакцинација на ниво на држава е на задоволително ниво.