Не е најдена бактеријата листерија во погоните на фабриката Екстра меин, покажале дел од испитувањата на Институт за јавно здравје кои биле завршени доцна попладне.
Резултатите од останатиот дел од започнатата анализа до компанијата се очекува во текот на утрешниот ден.
-До поплавните часови сите објавени анализи од Институтот се негативни на присуство на листерија моноцитогенес што значи дека производствениот погон на Екстра Меин не е контаминиран со бактеријата листерија, соопштуваат од Екстра меин.
Ова се дел од извештаите од тестирањата на земените мостри и брисеви од вонредниот увид во фабриката.
За утре се очекува да бидат готови и резултатите од суперанализата од спорниот вакумиран свински врат кој е најден во малопродажба во маркети во Гевгелија.
Агенцијата за храна и ветеринарство за потребите на анализата на 25-ти јули зема брисеви од машини, амбалажа, од полуготови производи, како и машините во текот на производство и добиените резултати покажуваат дека во ниту една од овие анализи не е најдена бактеријата листерија моноцитогенес.
Од Екстра Меин изјавуваат дека сите нивни производи, вклучително и сечканиот свински врат, се термички третирани, на температура од 73 до 79 Целзиусови степени, што значи загарантирано се уништува бактеријата листерија.
Од компанијата известуваат дека, она што не е во нивниот домен и врз кое компанијата нема контрола е начинот на понатамошно чување на производите во малопродажбата откако ќе ја напуштат компанијата и нејзините капацитети.