-Се чини дека тие почувствуваа олеснување кога ние го презедовме евроатлатнското портфолио во Владата, бидејќи на тој начин во секој момент одговорноста би можеле да ја прфрлат врз нашите плеќи, вели Ермира Мехмети Деваја од ДУИ во интервју за Порталб
ПОРТАЛБ: Maкедонија не доби датум и воопшто не е спомната на последниот Самит на Унијата. Милошоски побара оставка од заменик-премиерот Бесими, кој што доаѓа од редовите на вашата партија. Дали ДУИ, како политички субјект, сноси одговорност за неуспехот на овој процес?
A.МЕХМЕТИ-ДЕВАЈА: Не би сакала да бидам погрешно сфатена, но би рекла дека мојот впечаток е дека пристапот на нашиот партнер во власта во врска со овој проблем е најмалку циничен. Се чини дека тие почувствуваа олеснување кога ние го презедовме евроатлатнското потфолио во владата, бидејќи на тој начин во секој момент одговорноста би можеле да ја прфрлат врз нашите плеќи. Но, јас би рекла дека одговорноста за овој процес паѓа врз оние кои што го персонализирале и го емоционализирале едно пршање кое што треба да се третира како прагматично и реалистично. Овој пристап сигурно го нема ниту ДУИ ниту било кој друг албански политички субјект.
ПОРТАЛБ: Се зборува дека се планираат парламентарни избори за на пролет. Вашиот коментар?
A.МЕХМЕТИ-ДЕВАЈА: Јас мислам дека на Македонија не и се потребни избори туку решение.
ПОРТАЛБ: Што очекувате од дипломатската офанзива на г. Ахмети? Дали мислите дека ДУИ има сила да иницира решени на спорот за името?
A.МЕХМЕТИ-ДЕВАЈА: Мислам дека ова политичко-дипломатска иницијатива на претседателот Ахмети е вистинска акција за да се сензибилизираат меѓународните центри на одлучување околу позициите на Албанците во Македонија што се однесува до ургентноста на интеграцијата на земјата во НАТО и ЕУ. На крајот на краиштата, мислам дека меѓународните партнери имаат потреба од прва рака да слушнат и за загриженоста на Албанците од Македонија. Освен тоа, ова е истотака едно реално демонстрирање на државничката улога што ДУИ ја има како албански субјект во Владата. Поранешната политичка логика во Македонија како да имаше наметнато една подредена улога на албанскиот партнер, дозволувајќи му да се занимава само со етнички теми, но ДУИ има наметнато нов квалитет на однесување и политичка одговорност.