Велика Британија ги предупреди своите граѓани да не патуваат во Стокхолм, по пет вечери немири што се случуваат таму, а САД ги замолува своите граѓани да не се приближуваат до предградијата каде има немири.
„Дури и демонстрантите да личат дека се мирни постои можност да преминат кон насилства, а ситуацијата да ескалира”, се вели во електронската порака испратена до Американците кои живеат во Стокхолм, од американската амбасада.
Во мејлот се замолуваат Американците да ги избегнуваат населбите, Хусби, Тенста, Шиста, Ринкеби и Фитја.
И Велика Британија издаде предупредување, во кое се вели: „Треба да избегнувате поголеми собирања, внимавајте и гледајте локални вести. Има немири во приградските немири во Стокхолм секоја вечер од 19 мај. Населби кои до сега се зафатени со немири се Хусби, Хагсотра, Рогсвед, Скогос”.
Најмалку две училишта, полициска станица и 15 автомобили беа запалени во Стокхолм во четврток вечерта, откако немирите во шведскиот главен град продолжија петта вечер по ред.
Во Ринкеби, населба со доминантно емигрантско население пожарникарите морале да гасат шест автомобили кои биле паркирани еден до друг, а биле запалени.
Продолжениот вандализам ги иритира локалните жители, а стотици се собраа за да ја изразат својата фрустрација.
„Луѓето се бесни, мислат дека Ринкеби е подобро место од ова деновиве”, вели фотограф за агенцијата ТТ.
Осуммина биле приведени во Елфсјо, а уште четворица други во Норсборг.
Пожарникарите јавија дека едно училиште во Тенста е запалено, но брзо било изгасено, а друго во населбата Шиста, пренесува Макфакс.
„Ова ме прави многу лут. Дали работите ќе се подобрат ако се палат училишта?”, вели жител на Ширка татко на две деца, кои одат во училиште.
Автомобили биле запалени и во Солентуна, додека запален автомобил во Јордбро, предизвикал пожар на трговски центар, пред да биде ставен под контрола.
Според портпаролот, на полицијата и’ се чини дека ситуацијата се потсмирува, затоа што многу волонтери се јавиле да дежураат и да јават ако се случува нешто.
Немирите почнаа поради тоа што полицијата убие еден 69-годишен маж кој им се закануваше со мачета, а луѓето мислат дека токму поради тоа, не се сите исти во Шведска.