Претседателот Ѓорге Иванов денеска и ја доделува титулата „Национален уметник на Република Македонија“ на пејачката и хуманистка Есма Реџепова-Теодосиевска, која со богатата интернационална кариера е наречена „кралица на ромската песна“.
Признанието Национален уметник се доделува согласно Законот за национален уметник на Република Македонија, а досегашни добитници на титулата се виртуозот на пијано, Симон Трпчески и добитникот на Златен лав и македонски кандидат за Оскар, Милчо Манчевски.