Европската комисија денеска соопшти дека склучила договор со американската фармацевтска компанија Модерна за забрзување на испораката на нејзината вакцина против Ковид во обид побрзо да го запре ширењето на омикрон варијантата.
Голем број земји-членки на Европската унија, особено Германија, се соочуваат со краткорочна потреба поради брзото ширење на високо заразниот сој, објави Гардијан.
Модерна се согласи да испорача 10 милиони дози во Германија во декември и 25 милиони дополнителни дози во првиот квартал од 2022 година.
Студијата објавена од Медицинскиот факултет LKS на Универзитетот во Хонг Конг вели дека омикрон расте 70 пати побрзо во бронхиите од варијантата делта, но вирусот се репродуцира помалку ефикасно во ткивото на белите дробови, што укажува на поблага болест. (Студијата сè уште е под рецензија.)
Во соопштението на Европската комисија се вели: „Со оглед на брзото зголемување на инфекциите поради варијантата омикрон и потребата да се зголеми вакцинацијата, вклучително и засилувачката доза, Комисијата соработува со производителите на вакцини за дополнително да ја забрза испораката на дози на вакцини до земјите-членки на кои им се потребни дополнителни дози на краток рок“.