Групата на социјалистите од Европскиот парламент подвлекува дека синоќешните оставки во Владата мораат да бидат дел од широк одговор кој треба да ја врати довербата во институциите и да дозволи обнова на политичкиот дијалог и најавуваат присутво на протестот на 17 мај за да видат дали се почитува правото на мирен протест во Македонија.
Групата порачува дека нејзиното учество на протестот во недела е знак за поддршка до народот во неговата борба за повеќе демократија и транспаренто политичко владеење.
Социјалистите порачуваат дека се загрижени поради законските заканите упатени до лидерот на СДСМ и неспособноста на државата да реагира и делува по обвинувањата од снимките што ги објавува опозициската партија но и поради настаните во Куманово.
По настаните од минатата недела кога анти-владиниот протест стана насиле и по настаните во Куманово, европските социјалисти повикуваат на смиреност и воздржаност.
Германецот Кнут Флекенштајн вели дека со учеството на протестот социјалистичката група од ЕП “сака да покаже солидарност со нашата сестринска партија и со сите луѓе во земјата кои се залагаат за слобода на говорот и слободата на мирен протест” и додава дека сите обвинувања за малверзации треба да бидат независно истражени.
Ричард Ховит, еден од тројцата олеснувачи за решавање на политичката криза, вели дека лично ќе биде присутен на 17 мај на протестот:
“Во длабоката политичка поделеност на земјата и нашите вистински напори со добра волја да помогнеме тоа да се надмине, јас самиот сакам да видам дали правото на мирен и демократски процес целосно се почитува и да ги слушнам гласовите на сите оние кои велат дека во моментов се исклучени од демократската дебата. Се надевам дека нашето присуство ќе промовира мирна атмосфера по насилствата од минатата недела и испраќам силен сигнал од Европа и целата меѓународна заедница дека актуелните настани не смеат да доведат во меѓуетничко насилство во земјата која за нас е партнер”, вели Ховит.