Германските власти запленија огромна јахта на милијардерот Алишер Усманов во бродоградилиштето во Унгарија, како дел од напорите на Европската унија да ги сузбие соработниците на Владимир Путин во време на тековната руска инвазија на Украина.
Јахтата долга 512 метри наречена Дилбар, вреди 600 милиони долари, според Форбс, кој прв објави за заплената.
Јахтата, што важи за еден од најголемите досега направени пловни објекти, има базен долг 25 метри, два хелиодрома, градина и со потреба од екипаж од 80 луѓе за да може да одговорат на пребирливите потреби на сопственикот.
Милијардерот еднаш му испратил видео во кое вели: „Живеам во среќа“, на затворениот руски антикорупциски „крстоносец“ Алексеј Навални, навидум снимено на оваа јахта.
Претходно оваа недела, ЕУ објави дека го замрзнува имотот на Усманов, нарекувајќи го „про-Кремљ олигарх со особено блиски врски со рускиот претседател Владимир Путин“, човек кој „се смета дека е еден од руските бизнисмени-функционери, на кои им беше доверено да ги сервисираат финансиските текови, независно што нивната позиција зависи од волјата на претседателот“.
Премиерлигашот Евертон ФК исто така се откажа од спонзорските договори со олигархот, кој претходно беше сопственик на дел од Арсенал.
Компаниите што му припаѓаа на г-дин Усаманов, близок соработник на сопственикот на Евертон, Фархад Мошири, го спонзорираа теренот за обука на Евертон и разни комплети за машките и женските тимови. Тие, исто така, ги задржаа правата за именување од 30 милиони фунти за предложениот нов стадион на Евертон.
„Сите во Евертон остануваат шокирани и тажни од ужасните настани што се случуваат во Украина. Оваа трагична ситуација мора да заврши што е можно поскоро и мора да се избегне секоја понатамошна загуба на животи“, се вели во соопштението на клубот, додавајќи дека ја нуди својата „целосна поддршка“ на Виталиј Миколенко, украински државјанин кој игра лев бек.
Г-дин Усманов ги осуди финансиските казни против него.
„Верувам дека таквата одлука е неправедна и причините употребени за да се оправдаат санкциите а сето тоа е збир на лажни и клеветнички наводи кои ја нарушуваат мојата чест, достоинство и деловна репутација“,изјави Усманов претходно оваа недела. „Ќе ги искористам сите правни средства за да ја заштитам мојата чест и углед, рече тој.