– Ова беше лоша недела за Англија. Прво Британија доживеа Брегзит, берзите доживејаа слободен пад, а заврши со оставката на премиерот Дејвид Камерон. Но, тука не е крајот. Синоќа, англиската фудбалска репрезентција беше елиминирана од Еуро 2016 од дебитантот Исланд, коментираа дел од англиските медиуми по шокантниот пораз на англиската репрезентација од Исланд со што оваа фудбалска сила е надвор од престижното натпреварување уште во осминафиналето.
„Очајот на Англија“ веднаш стана топ тема на социјалните мрежи – хумор со политички примеси, асоцијација со Брегзит.
– Само Англија може двапати во една недела да ја напушти Европа.
– На Англија и треба нов премиер, нов лидер на опозиција и нов фудбалски тренер.
– 300.000 Исланѓани гласаа за Брегзит.
-Брегзит: Не очекував дека продолжението ќе дојде толку брзо
Се појави и Викиликс:
– Седиштето на Викиликс е на Исланд, а Англија го држи во притвор нашиот уредник без обвинение веќе 5,5 години.
Но, на врвот на лисата на шеги на сметка на англискиот фудбалски дебакл, секако е пародијата на петицијата за втор референдум – „Петиција за преигрување на мечот Англија – Исланд“, под која стојат потписи на над 10.000 луѓе.
Во коментарите на англиските фанови доминираше сарказам и иронија:
– Англиските фудбалери во моментов гуглаат „Што е фудбал“?
– Големата нација (Англија) со години тренира за Европското и е елиминирана од земја која има повеќе вулкани од играчи.
Сепак сериозните критики најмногу се на сметка на тренерот Рој Хоџсон за кого јавноста кусо коментира: „Потфрли“.
– На ова натпреварување дојде без јасна идеја за тоа каква игра сака, со подготовки чиј квалитет се става под знак прашање и со играчи кои беа преценети заради некој нивен претходен успех, кои едноставно не одговараа во тимот, пишува Телеграф.
Другите медиуми прашуваа „каде се изгуби англискиот идентитет“, коментирајќи дека Хоџсон наместо да ја води напред, ја вратил Англија назад.
– За жал Хоџис ќе биде запаметен само како човек кој доживеа две очајни меѓународни натпреварувања и донесе еден од најпонижувачките резултати во 144 годишната историја на Англискиот национален фудбалски тим, коментираат медиумите.