Со 35 % БДП по глава на жител, од просекот на ЕУ Македонија е трета најсиромашна држава во Европа покажаа најновите податоци на Еуростат. Македонските граѓани се 65 % под стандардот на ЕУ, исто како и Србите, а само Босанците и Албанците имаат полош стандард, мерено според показателот БДП по глава на жител.
Луксембург и во минатата 2012 година како и во претходната 2011 година имал два ипол пати поголем бруто домашен производ (БДП) по жител мерено според паритетот на куповната моќ од просекот во Европската унија.
За уште попрецизно да го опише реалниот животен стандард на домаќинствата во ЕУ, Eуростат освен БДП-то по жител, кој според нив поточно го одразува нивото на економските активности, го употребил и алтернативниот показател на стварна поединечна потрошувачка по жител.
Македонија е во истата група и на истото место и според овој показател со 60 отсто под просекот во ЕУ.
И според овој показател Луксембург во 2012 година, како и во 2011 година, ја зазема позицијата на земја чиишто граѓани во разгледуваниот период имале највисок стандард во ЕУ, и тоа 41 отсто над просекот во ЕУ. Најнизок стандард и во овој показател имале Бугарите, 51 отсто под просекот во Унијата.