Организацијата за безбедност и соработка во Европа (ОБСЕ) соопшти дека евакуацијата на членовите на мисијата од Украина е речиси завршена.
– Процесот на привремена евакуација на сите членови на меѓународната мисија е речиси завршен. Последната преостаната група – главниот набљудувач и високиот менаџерски тим – сега ќе ја напуштат Украина, се наведува во соопштение на ОБСЕ.
На почетокот на минатата недела, неколкумина од околу 500-члениот тим на набљудувачи сe уште беа заглавени во Харков и Керсон.
Некои набљудувачи, исто така, требаше да бидат евакуирани од источните региони Луганск и Доњецк, се додава во извештајот.
ОБСЕ, исто така, соопшти дека примила извештаи дека просториите на нивниот специјален центар за набљудување мисии во Мариупол вчера „биле оштетени поради гранатирање“ .
Кон крајот на февруари, организацијата одлучи привремено да ја заврши својата мисија поради руската инвазија врз Украина и да го повлече својот невооружен меѓународен тим надвор од земјата.