Објавени официјалните податоци од изборите што во неделата на 4 април се одржаа кај нашиот источен сосед.
Државната изборна комисија го објави соодносот на силите во идниот парламентарен состав одност бројот на пратенички мандати според добиените гласови. Според податоците во идниот бугарски парламент ГЕРБ на Бојко Борисов ќе ја претставуваат дури 75 пратеници.
По неа со 51 пратенички мандати е партијата „Има таков народ“ предводена од Славо Трифонов, 43 преатеници ќе дојдат од редовите на социјалистите, 30 од ДПС, ДБ 27 и коалицијата Стани! Излези! ќе добие 14 пратенички места.
Ова стана јасно откако ЦИК ја објави распределбата на местата по изборите на 4 април.
За ГЕРБ гласаа 837.707 луѓе, или 31,25 отсто, за „Има таков народ“- 565.014 луѓе, или 21,25 проценти, а за БСП – 480 146 лица.
Одзивот бил 50,61 отсто, што е најмал во последните 30 години откако има гласање во Бугарија.