ЕВН ќе ја обжали одлуката на Регулаторната комисија за енергетика од први јули цената на струјата да се намали за 4,48% , бидејќи регулаторите им ги зголемиле трошоците што ги плаќаат кон државните енергетски компании, а од друга страна им ја намалиле крајната цена на струјата.
Компанијата, како што јавува Фактор, предупреди дека во прашање се доведени инвестициите, а реагира и од Австриската амбасада- велат дека се загрижени за последните случувања во врска со најавеното намалување на цената за електрична енергија, која, ако се ефектуира, ќе биде мошне штетна за деловното работење на еден од најголемите инвеститори во земјата.
Реакциите се должат на фактот штои покрај тоа што крајната цена што ќе ја плаќаат граѓаните е намалена, сепак регулаторите дозволија зголемување на цените за услугите на државните енергетски компании ЕЛЕМ и МЕПСО, а намалување на цените пресметаа кај ЕВН.
Оттука, ЕВН протестира, бидејќи регулаторите и ги зголемија трошоците што ЕВН ги плаќа кон државните енергетски компании ЕЛЕМ и МЕПСО, а од друга страна ЕВН на граѓаните ќе треба да им испорача поевтина струја.