Итно и брзо решавање на бегалската криза во рок од само неколку месеци со што ќе се спаси Шенген а Грција и Македонија ќе можат да здивнат.
Ова треба да биде резултат на примената на планот за брзо решавање на бегалската криза што го предлага поранешниот белгиски премиер Ги Верхофштад и сегашен претседател на групата на либералите во Европскиот парламент (ЕП).
За првиот човек на европските либерали планот на Европската комисија (ЕК) затворање на границата помеѓу Македонија и Грција не е добра идеја исто како што не е добра идеја било кое затворање на граница. Не се добра идеја ниту заканите на ЕК кон Грција дека земјата би можела да биде изолирана. За Верхофштад, отворањето бегалските кампови. каде и да е, е сосема невозможен потфат бидејќи ЕУ е потписник на повеќе меѓународни конвенции кои тоа го забрануваат.
Не е добар ни планот на холандското претседателство кој предвидува враќање на бегалците од Грција со брод во Турција, вели Верхофштад.
Либералите предлагаат итен план од 7 мерки кој би требало да биде усвоен на 18 февруари од страна на Европскиот совет. Најважното од се е што за овој план не е потребно усвојување на никакви закони ни регулативи и тој веднаш може да почне да применува.
Така, треба веднаш да се креира Брза европска сила за бегалци со 2.000 граничари од земјите членки. Ова го овозможува членот 78.3 од Европската повелба и оттука не се потребни дополнителни закони.
Првата задача на овие 2.000 луѓе би било менаџирање на турско-грчката граница, стопирање на бранот бегалци кои од Грција доаѓаат на македонската граница, регистрирање на бегалците и овозможување на пристојни услови на живот за бегалците.
За сето ова е потребен буџет и планот предвидува петократно зголемување на финасиите за заштита на границите и зголемување на буџетот на ЕУ за бегалците. Од тие пари 2 милијарди евра треба да се испратат директно во бегалските кампови во Турција и да дојдат во рацете на бегалците а не на турската влада, една милијарда за Високиот комесаријат за бегалци на ООН за подобрување на животните услови во камповите и образование за децата.
Итно е да се реши кризата, велат европските либерали кои констатираат дека оваа криза го зголемув евроскептицизмот во ЕУ но и екстремната десница.
Поранешниот белгиски премиер во од понеделник планот ќе им го претстави на холандското претседателство со ЕУ и на Европската комисија.