Шефот на француската дипломатија, Лоран Фабиус, изјави дека претседателот на Сирија, Башар ал Асад, нема да учествува на Меѓународната конференција на ОН за Сирија која вчера беше најавено дека ќе се одржи на 22 јануари следната година.
Конференцијата Женева-2 има за цел постигнување договор меѓу претставници на режимот на Асад и опозицијата за формирање на преодна влада.
– Тоа е многу тешко, но и единствено решение, кое во исто време ќе дозволи да го нема Асад и да нема терористи. Тоа е прв став. Во моментот Американците го поддржуваат тој став, соопшти Фабиус.
И американскиот државен секретар Џон Кери, нагласи дека конференцијата во Женева ќе биде најдобрата можност за создавање на преодна влада.
Претставникот на ОН, Лахдар Брахими на 20 декември ќе се сретне со руски и американски претставници со кои ќе разговара за конференцијата во Женева.