Репрезентацијата на Фиџи постави рекорд во фудбалот за највисока победа на еден меѓународен натпревар откако ноќеска ја совлада Микронезија со 38-0 во натпревар од Пацифичките игри.
Овој резултат на Фиџи го надмина рекордот на Австралија за седум гола (31-0 против Самоа пред 14 години во квалификации за СП), но тој нема да биде признат од ФИФА за апсолутен бидејќи се работи за фудбалери до 23 години.
На полувреме беше 21-0, а најефикасен беше Антонио Таџивуна со десет гола.
Пред само два дена, Микронезија загуби од Тахити со 30-0 што значи за два натпревара прими неверојатни 68 гола.
Пацифичките игри оваа година се 15. по ред и се одржуваат во престолнината на Папуа Нова Гвинеја, Порт Морсби. На неа учествуваат 24 држави од Океанија во 28 спортови, а првпат сега, со специјални покани, учествуваат Австралија и Нов Зеланд.