Министерот за здравство Венко Филипче денеска на работниот состанок со вицепремиерот Љупчо Николовски разговарале за измените на Законот за здравствена заштите кои се однесуваат на утврдување на највисоки цени што приватните болници ќе може да ги наплаќаат на ковид пациентите кои здравствената услуга ја плаќаат со лични средства.
Предлогот на Законот е цените во приватните болници да бидат изедначени со реферeнтните цени утврдени од Фондот, односно дијагонстицирање и лекување на ковид пациенти да се движи од 40.000 до 305.000 денари. Ова е заклучокот на Главниот координативен кризен штаб (ГККШ), предводен од претседателот на Владата Зоран Заев, кој предлог утре ќе се најде на седница на Влада.