Во набавката на вакцини нема политика, па така нема политика и во евентуалната набавка на руската вакцина Спутник V, изјави министерот за здравство, Венко Филипче за ТВ 24.
Напредното истражување во клиничките студии на „Фајзер“, што го истакна и при примопредавање на српската донација на 4.680 дози на граничниот премин „Табановце“ викендот, Филипче го повтори и денеска како причина зошто се решиле за преговори со американскиот производител. Додека фајзеровиот производ бил во, речиси, завршна фаза, руската вакцина била во трета.
– Во вакцинацијата нема политика. Тоа е исклучиво прашање што ги прави правилата во делот на завршување на студиите и сите сертификати кои вакцините ќе ги добијат. Бидејќи „Фајзер“ беше понапред во клиничките испитувања, затоа и почнавме преговори со нив. Кога пристигна понудата од руската амбасада за набавка на „Спутник“, вакцината се наоѓаше во третата фаза на клиничката студија. Но, сè уште не е завршен целиот процес. Немаме проблем да набавиме. Не постои тука политика, рече Филипче.