Министерот за здравство Венко Филипче, денеска го образложи предлогот на Комисијата за заштита од заразни болести за воцедување ограничување на движењето по 22 часот, до 5 часот наутро во следните денови.
Ако Владата утре го прифати предлогот на Комисијата, тоа ќе значи дека во следните две недели полицискиот час ќе почнува во 22 часот и ќе трае до 5 часот наутро, а ќе важи и за време на викендот.
– Последните недели се зголемува инциденцата на епидемијата. Во Кавадарци целосно се исполнети болничките капацитети, па профункционира и модуларната болница. Исто е и во Прилеп. Ние тука во Скопје гледаме дека се повеќе пациенти се задржуваат на болничко лекување, па затоа повторно се стави во функција модуларната болница во Инфективната клиника, а спремни се и сите интени клиники да примаат пациенти, онака како што беше во ноември – рече министерот Филипче денеска..
Тој вели дека ударот на зголемен број пациенти во болниците не е така нагол, како што беше на почетокот на ноември.
– Тоа е значајна разлика, без разлика на инциденцата и не знаеме дали така ќе продолжи, но ние мора да сме подготвени и во таа насока препораката на Комисијата за заразни болести е да има ограничување на движењето по 22 часот, во смисла да се спречи групирање по затоврање на угостителските објекти без почитување на епидемиолошките мерки – додаде Филипче.
Засега не се планира нови мерки и рестрикции за угостителските објекти, најави Филипче, затоа што таму има протоколи. Се што треба е тие да се почитуваат, порача министерот, а инспекторите да контролирата дали се затвора на време и дали се почитуваат другите протколи за непречено работење на рестораните и кафулињата.