Во режија на 13 европски режисери во рамките на филмскиот фестивал „Синедејс“ денеска во 20 часот во кино Милениум ќе се прикажува „Мостовите на Сараево“. Филмот е од селекцијата Гала Премиера.
Омнибусот, создаден по повод стогодишнината од почетокот на Првата светска војна, содржи 13 кратки филма, во режија на 13 европски режисери, истражува на темата Сараево, што всушност претставува овој град во европската историја во текот на изминатите сто години и што Сараево претставува за Европа денес. Овие еминентни филмски уметници од различни генерации и потекло, нудат исклучително уникатни стилови и визии. Познатиот белгиски стрип уметник, Франсоа Шуитен, замислил една анимирана врска помеѓу овие филмови, метафорично транспонирање во неговиот графички богат свет на симболичните мостови на Сараево.
Улогите ги толкуваат Богдан Нинковиќ, Феџа Стаменковиќ, Андреј Иванчиќ, Никола Брковиќ, Михаило Кович.
Од документарните музички филмови во кино Фросина во 23 часот пак ќе се прикажува The Stone Roses: Made of stone во режија на Шејн Медоус.
Легендарниот бенд The Stone Roses се реоформи по 16 години во 2002 година. Со претходно необјавениот материјал кој ја опфаќа музичката историја на бендот, со личните искуства на многумина што биле под влијание на бендот и неговата музика и со ексклузивните снимки од рекордните распродадени концерти кои се одржаа во 2012, ова е клучно издание за еден клучен бенд за последните 25 години.
Во филмот, реномираниот режисер Шејн Медоус (This Is England, Dead Man’s Shoes) го истакнува својот неповторлив стил на режија, хуморот и неговата длабока чувственост, снимајќи го работниот процес на бендот и секојдневниот живот на членовите и нивните проби за нивното долгоочекувано враќање, коешто кулминира со три големи концерта на домашен терен во манчестерскиот Хитон Парк пред 220 илјади фанови.
Од Гала Премиерата на програмата уште е и „Рио Те сакам“ – колективен игран филм, составен од 11 динамични кратки филмови, создадени од 10 режисери, во кино Милениум во 22:30 часот, а од Официјалната селекција „Шумите се сеуште зелени“ во режија на Марко Наберсник во 19 часот во кино Фросина.
Програмата на „Синедејс“ денеска е збогатена и со доста филмови од селекцијата МК кратки: ШЕКСПИРОВА 9/1 на Владимир Митревски, ПРАЗЕН УМ на Антонио Арангеловиќ, АУДИЦИЈА на Лавинија Софрониевска, ВРАЌАЊЕ на Дина Дума, БАЛЕ на Никола Поповски и ЖОЛТИОТ ЧАДОР ЗА СОНЦЕ на Ана Опачиќ.
Бразилскиот „Божји град“ на Фернандо Меирелеш и Катја Лунд денеска е на програмата во 20 часот во Кинотека на РМ.