Играниот филм „Соба со пијано“ во режија на Игор Иванов и продукција на Скопје Филм Студио, во текот на целиот месец октомври ќе се прикажува во кината на територијата на цела Македонија.
Филмот веќе е на редовниот репертоар на Центарот за култура во Битола, а од утре, 4‐ти октомври 2013 (петок) ќе се прикажува во рамките на програмата на Центарот за култура „Григор Прличев“ во Охрид и Центарот за култура „Браќа Миладиновци“ во Струга.
На 5‐ти октомври, сабота започнува прикажувањето на „Соба со пијано“ киното на Центарот за култура „Кочо Рацин“ во Кичево, а од 7‐ми октомври, понеделник ќе се прикажува и во Центарот за кулура „Ацо Ѓорчев“ во Неготино.
Продукцијата навремено ќе информира за почеток на проекциите на „Соба со пијано“ и во другите градови. Скопје Филм Студио им се заблагодарува за одличната соработка на сите центри за култура низ Македонија кои покажаа интерес за филмот и ги поканува сите љубители на филм да го погледаат „Соба со пијано“ во кино.