Рафаел Надал и Новак Ѓоковиќ ќе се сретнат во недела во финалето на Францускиот Опен, кој е од огромно значење за двајцата тенисери. Мечот е најавен дека ќе се одржи не пред 3 часот попладнево.
Тие ќе играат на Ролан Гарос трета година по ред.
Надал се обидува да го освои својот деветти трофеј на Францускиот Опен, и да стане првиот човек кој освоил пет титули по ред.
Ѓоковиќ се надева дека ќе се приклучи на листата на седум мажи кои ги имаат освоено сите четири гренд слем титули во кариерата.
Првите двајца најдобри тенисери се очекуваше да се сретнат во финалето и тоа е предмет на многу дебати- кој всушност треба да се смета за фаворит.
Светскиот рекет број еден- Надал има импресивен случај со осум титули зад него и неверојатен 65-1 рекорд во Париз во текот на последните 10 години, вклучувајќи и пет победи над Ѓоковиќ.
Сепак, Србинот е поблиску до титула на Ролан Гарос, губејќи на финалето 2012 во четири сета и полу-финалето 9-7 минатата година во петтиот сет.
Ѓоковиќ, 27, исто така, презеде контрола на нивните лични дуели во текот на последните девет месеци, освојувајќи ги сите четири од нивните натпревари вклучувајќи го и финалето на Рим мастерс на земја минатиот месец.
“Ќе се обидам да бидам агресивен, бидејќи тоа е единствениот начин да се победи против него”, рече Ѓоковиќ.
Ролан Гарос: Надал и Ѓоковиќ
Патот на Ѓоковиќ кон финалето
Патот на Надал кон финалето
Извор: Би-Би-Си