Кои се содржините на најновиот број на Фокус:
Нови детали за случајот „ОРЕШЕ“ и „ЛИКВИДАЦИЈА“ – Зошто е „ликвидиран“ Кежаровски!?
Според обвинението за случајот „Ликвидација“, на новинарот Томислав Кежаровски му се става на товар „грев“од пред пет години, кога наводно го објавил идентитетот на заштитениот сведок „Бреза“, во случајот „Ореше“.
Рејтинг: Агенцијата „Рејтинг“ за ФОКУС изготви анкета во која за прв пат Заев во еден сегмент е посилен од Груевски. Народот го чувствува за поблизок. Сепак, на Заев ќе му треба уште време за да го стаса Груевски и како Премиер!
Индијци со советска амбициозност – Дали Џумајлија е реална инвестиција или преамбициозна третолетка?
Жителите на овчеполието не веруваат дека амбициозните планови на Субрата Рој се остварливи бидејќи за неколку пати ги надминуваат и најдобрите резултати што се постигнувале во овие региони. Реагираат дека 20.000 крави се премногу и може да претставуваат сериозен еколошки проблем и предупредуваат дека ако „Сахара“ сака да жнее, в година ќе мора да побрза со обработување на земјата!
Синодот живее на висока нога – Македонските владици со плати од неколку илјади евра!
Македонските владици живеат во луксузни и раскошни резиденции, возат скапи теренски возила и автомобили. Тоа барем е видливо. Но, колкави се нивните плати? На оваа тема воопшто не се расположени да комуницираат со верниците.
КОЛУМНИ
Синоличка ТРПКОВА
Мои мили војници на режимската хунта, дали сте сериозни кога ги браните делата на режимот, повикувајќи се на сѐ уште неоткриените докази за постоењето на најстариот од сите народи на Земјинава топка?
Рамадан РАМАДАНИ
Што предизвика толкав страв за да мора да се ангажира толкава полиција за неколку дрвја? Дали тоа беше знак дека на нешто, наизглед банално, еден ден ќе падне целата ујдурма, која почна во 2006 година?
Стојан АНДОВ
Барањата да не важи веќе Букурешкиот договор ги поддржуваат блиски луѓе до Владата, а имам впечаток и премиерот. Тоа ли е патриотизам?! Ако го нема Букурешкиот договор, ќе ја нема и Македонија!!!
Џелал ХОЏИЌ
На ДПМНЕ сега им остануваат три сценарија за евентуални судири со „нови“ непријатели: ДУИ, ЕУ и невладиниот сектор. Но, се чини дека најпримамлив, сепак, им е евентуалниот судир со ДУИ!