Вкупно 35 нови стипендии доделува традиционално годинава Фондацијата„Трјаче Мукаетов“.
Стипендија во висина од 6500 денари добија 15 студенти од Фармацевтскиот и 20 студенти од Медицинскиот факултет.
Двајца најдобри студенти Никола Јовановиќ од Фармацевсткиот факултет со просек 9,93 и Марко Костовски од Медицинскиот со просек 9,97 добија награда од 1200 евра.
„Фондацијата досега стипендирала 379 студенти, од кои 250 се веќе дипломирани. Четириесет од стипендираните студенти по Фармација веќе работат во АД Алкалоид. Доделуваме и еднократна награда во вредност од 1200 евра за двајца најдобри студенти„ изјави директорот Живко Мукаетов.
Доколку ги исполнат условите стипендијата продолжуваат да ја добиваат и во наредната година.
„Наградувањето е стимулација за младите кадри. Со голема почит кон Трајче Мукаетов кој имаше визија, а сегашниот директор Живко Мукаетов кој овозможи оваа мисија да продолжи“, рече изјави ректорот Никола Јанкуловски.
Фондацијата „Трајче Мукаетов“ е основана во чест на човекот кој застана на чело на компанијата 1985 година. Фондацијата чиј основач е самата компанија има цел стипендирање, донирање и финансирање на талентирани доктори и фармацевти , како и поддршка на проекти од овие области.