Денеска на потегот Мавровка – Чаир со полицијата се судри толпа од неколку илјади демонстранти организирани на социјалните мрежи, а испровоцирани од затворските казни во случајот „Монструм“ кои беа досудени во понеделникот.
Толпата прво дојде пред Кривичниот суд каде што почнаа да фрлаат со камења и тврди предмети врз бројната полиција. Судирите од пред судот се префрлија кај комплексот Мавровка.
Неколку часа полицијата се обидуваше да ја разбие толпата која мнозински ја сочинуваа малолетници. Се употребија неколку десетици солзавци, шок бомби и водени топови. 20 полицајци беа повредени, а бројот на приведени демонстранти се уште е непознат. Долж улицата на Јаја Паша има и оштетени дуќани.
.png)
.png)
.png)
