Водечките кандидати за нов генерален секретар на Обединетите нации се жени кои доаѓаат од Бугарија, но прашањето е која од нив ќе ја добие номинацијата од бугарската влада, а тоа веќе на големо се дискутира во Софија, пишува „Економист“.
Трката за да се земе позицијата на досегашниот секретар Бан Ки-Мун е широко отворена, бидејќи неговиот (втор) мандат завршува во 2017 година.
Како што пишува медиумот, бидејќи Советот за безбедност го именува носителот на функцијата, веќе се чувствува притисок помеѓу Русија и САД околу тоа следниот да биде од женски пол.
Кандидатите и сојузниците веќе се влезени во тивка кампања и лобирање еден против друг за да им паднат во очи на САД и Русија.
Една од кандидатките на Бугарија е Ирина Бокова која во моментов е лидер на УНЕСКО а другата е Кристалина Георгиева, заменик-претседател на Европската комисија задолжена за буџетот.
Ирина Бокова
Кристалина Георгиева
Премиерот на Бугарија во меѓувреме, Бојко Борисов е под притисок бидејќи тој треба да реши која е соодветната кандидатка. „Економист“ пишува дека тој е близок до Георгиева, а на страната на Бокова е една од помалите партии во бугарската владина коалиција. Лидерот на таа партија неодмна изјави дека ќе ја напушти власта доколу Борисов не ја избере Ирина Бокова.
Весна Пусиќ
Ваквиот развој на настаните пак, го следат кандидатите во сенка. Една од тие е Весна Пусиќ од Хрватска, која одамна ја посакува позицијата, но тешко дека истата ќе биде номинирана од новата влада на Хрватска.
Данило Турк
Кампањата на поранешниот претседател на Словенија, Данило Турк, според аналитичарите засега не е ништо поразлична а министерот за надворешни работи на Црна Гора, Игор Лукшиќ воопшто и како да нема шанси.
Игор Лукшиќ
Шансите се можеби најмали за македонскиот кандидат Срѓан Керим, пишува „Економист“.
.jpg)
Срѓан Керим
Од оние кои би можеле да бидат сериозен противник на Бугарките се поранешниот министер за надворешни работи, Вук Јеремиќ, и неговиот колега од Словачка, Мирoслав Лајчак.
Вук Јеремиќ
Мирслав Лајчак
Како и да е засега кандидатите од Балканот ги имаат најголемите шанси за позицијата која не носи реална извршна моќ, туку, повеќе посредничка помеѓу земјите од светот.