Исечени се уште најмалку десет дрвја од строгиот центар на Скопје, непосредно до жолтата зграда каде што беше сместен штабот на ВМРО ДПМНЕ. Сечeњето започна вчера во доцните попладневи часови, а екипите на ЈП „Паркови и зеленило утрово“ го расчистуваа просторот по што продолжија со отстранување на нови дрвја.
Како што информираат од јавното претпријатие, имаат уредно решение за сечење на дрвјава во кое стои дека на овој простор ќе се гради нова зграда. Засега не соошптуваат колкава е бројката на исечени дрва, бидејќи, како што велат од „Паркови и зеленило“, нивните екипи се уште работат на терен.
Главно се сечат брези, но и дрвја со големи крошни стари неколку децении.