Пулицеровата награда од 1917 година, се доделува годишно за достигнувања во новинарството, литературата и музичкото компонирање. Пулицеровите награди годинава се доделени по 97-ми пат, а доделувањето на наградите е закажано за 30 мај, на универзитетот Колумбија.
Секој победник добива сертификат и 10.000 долари, а победникот од категоријата за новинарство во јавниот сервис добива златен медал.
Родриго Абд, Ману Брабо, Кхалил Хамра, Мухамед Мухејсен и Нарцисо Контрерас се дел од фотографскиот тим на „Асосиејтед прес“ и се овогодинешните добитници на наградата „Фотографија за ексклузивни вести” со фотографии од двегодишната војна во Сирија.
“Родриго, Ману, Кхалил, Мухамед и Нарцисо се дел од најхрабрите и најталентираните фоторепортери во светот, а јас сум неизмерно горд на нив поради оваа награда, која што ја заслужија со својата работа во трагичната и опасна приказна за Сирија”, изјавил Сантиаго Лион, директорот на фотографија при „Асосиејтед Прес“.
Критичкиот роман „The Orphan Master’s Son“ на Адам Џонсон за животот во Северна Кореја е добитник на Пулицеровата награда за најдобар белетристички роман.
Ова се останатите овогодинешни добитници како и победничките фотографии кои ги овековечија трагичните настани во Сирија:
Новинарство во јавниот сервис – „Сан Сентинел“ .
Известување за актуелни настани – „Денвер Пост“.
Известувања за истраги – Дејвид Берстоу и Алехандра Ксаниц вон Бертраб од „Њујорк Тајмс“.
Детални вести – „Њујорк Тајмс“.
Локални вести – Бред Шрејд, Џереми Олсон и Глен Хауат од „Стар Трибјун“.
Национални вести – Лиза Сонг, Елизабет Мекгоан и Дејвид Хејсмајер од „Инсајд Клајмат Њуз“.
Интернационални вести – Дејвид Барбоза од „Њујорк Тајмс“.
Пишување на воведни статии – Џон Бренч од „Њујорк Тајмс“.
Коментар – Брет Стивенс од „Волстрит Џурнал“.
Критицизам – Филип Кеникот од „Вашингтон Пост“.
Колумнист – Тим Никенс и Даниел Рут од „Тампа Беј Тајмс“.
Карикатура – Стив Сек од „Стар Трибјун“.
Фотографија за ексклузивни вести – Родриго Абд, Ману Брабо, Нарцисо Контрерас, Калил Хамра и Мухамед Мухајзен од „Асосиејтед Прес“.
Насловна фотографија – Хавиер Манзано, хонорарен фотограф.
Литература и музика
Белетристика – „The orphan master’s son“ од Адам Џонсон.
Драма – „Disgraced“ од Ајад Ахтар.
Историја – „Embers of war: the fall of an empire and the making of America’s Vietnam“ од Фредрик Лоџвал.
Биографија – „The black count: glory, revolution, betrayal, and the real count of Monte Cristo“ од Том Рис.
Поезија – „Stag’s leap“ од Шерон Олдс.
Генерална научна литература – „Devil in the grove: Thurgood marshall, the groveland boys, and the dawn of a new America“ од Гилберт Кинг.
Музика – „Partita for 8 voices“ од Керолин Шо.