(ФОТОГАЛЕРИЈА) Променети четири локации за протест против полициската бруталност

Граѓаните кои денеска продолжија со протестите, 4.пат по ред, најпрво беа спречени да протестираат пред Владата од страна на полицијата, а упатувајќи се пред МВР беа пречекани од цврст кордон на специјалните единици. Третата локација – зградата во која живее премиерот Никола Груевски, исто така беше под силен полициски надзор, за на крај демонстрантите да се најдат пред Собранието, каде што бараа оставка од министерката Јанкулоска и од Премиерот.