Фотографијата на која се бакнуваат момче и девојка, тој Србин, а таа Хрватка, на интернет веќе е прогласена за симбол на желбата за помирување помеѓу младите од Балканот.
Фотографијата ја објави хрватскиот портал “Индекс ХР”, чиј е автор е пријател на парот кој се бакнува со сликата испратил и објаснување.
“Колеџот Обединет Свет во Мостар е збир од повеќе од 40 националности. Сместен во градот кој се уште поделен од војната која се уште постои во свеста на луѓето, тој постана симбол на новите генерации балкански народи.
Оваа година се одржува Културна парада со која би се обележале од стартување на Обединет свет.
– Ние сите чекоревме секој со своето знаме на улиците низ Мостар и на босанската и на хрватската страна на градот. Мојот пријател Србин се држеше за рака со неговата девојка Хрватица.
– Тогаш една старица ја праша девојката како може да чекори покрај Србин. Тогаш таа се сврте и го бакна. Тогаш ја направив сликата. Тоа не е ништо посебно, само еден пар кој изразува љубов. Но, за нас овде во Мостар тоа е доказ дека новите генерации не се спремни да продолжат понатаму со војната во свеста”, напишал пријателот.
Фотографијата ги заврте речиси сите балкански медиуми, а предизвика и многу коментари.
На форумот на Индекс ХР кој ја објави фотографијата многу од луѓето коментираат дека фотографијата е “прекрасна и влева надеж дека на Балканот, сепак, помирувањето помеѓу народите е можно”, или дека ова е “доказ дела младите Балканци сакаат поинаква иднина и не сакаат да живеат во омраза и со лузните од грешките кои ги направиле нивните татковци”.
Секако, не изостануваат и оние коментари кои промовираат етничка и верска омраза.