Рускиот претседател Владимир Путин мора да добие од про-руските сепаратисти на истокот на Украина тотален и слободен пристап до местото на кое се урна авионот MH17. Ова денес го побараа првите луѓе на Франција, Велика Британија и Германија.
Франсоа Оланд, Дејвид Камерон и Ангела Меркел преку соопштение рекоа дека се договориле «да побараат од г-дин Путин да обезбеди, од сепаратистите во Украина, помош и слободен и тотален пристап до зоната на несреќата на летот MH17 за да можат експертите да ја исполнат мисијата».
«Доколку Русија веднаш не го преземе неопходните мерки, Европската унија ќе размисли за последиците за време на Советот на ЕУ кој се одржува во вторник», вели соопштението кое додава дека Русија мора да разбере дека решавањето на украинската криза е повеќе од кога и да е неопходно по оваа трагедија која го вџаши светот.